МЭӨ(манай эрний өмнөх) 500 – Вавилончууд энгийн арифметик үйлдэл хийхийн тулд сампинг ашиглаж эхэлжээ. Бидний мэдэх сампингийн хэлбэр анх Хятадад МЭө 1300 онд үүсчээ. 1614 – Scotsman John Napier (1550-1617) хөдөлгөөнт саваа бүхий системийг зохион бүтээжээ. Энэ нь үржих, хуваах, квадрат болон кубын язгуур гаргах үйлдэл хийдэг байв.

1623 – Wilheim Schickard (1592-1635) Верттанберг “Тооцоолох цаг”-ийг бүтээжээ. Энэ механик машин нь зургаан оронтой тооны нэмэх, хасах үйлдлийг хийж чаддаг бөгөөд, оронгийн тоо хэтэрвэл хонх дуугарч дохио өгдөг байлаа.
1642 – Францын математикч Блез Паскал найман оронтой тооны үйлдэл хийдэг механик тооны машин зохион бүтээжээ.
1671 – Германы математикч Готфрид Лейбниц үржих үйлдэл хийдэг, таваас арван хоёр оронтой тоог тооцоолох чадвартай машин зохион бүтээжээ.
1776 – Матьюс Хан 1770 оноос тооны машин үйлдвэрлэж эхэлжээ.
1820 – Францын эрдэмтэн Чарльз Xavier Thomas df Colmar (1785-1870) “Арифмометр” тооны машин зохиож, нийтэд үйлдвэрлэн гаргажээ.
1822 – Чарльз Бабаж (1792-1871) анхны механик компьютерийг зохион бүтээжээ.
1832 – Бабаж, Жозеф Клементиар зургаа хүртэл оронтой тооны үйлдэл болон хоёрдугаар зэргийн дифференциал хийдэг машины прототипыг хийжээ. Угсарсан машин нь өрөөний хэмжээтэй байв.
1834 – Чарльз Бабаж “Аналог машин” зохион бүтээж эхэлжээ. Уг машин нь нөхцөлтэй үсрэлтүүдийг хийж чаддагаас гадна нэмэх үйлдлийг гурван секундэд, үржих ба хуваах үйлдлийг хоёроос гурван минутад хийж гүйцэтгэдэг байв.
1847 – Чарльз Бабаж хоёр жилийн турш долдугаар зэргийн дифференциал, 31 оронтой тоо боддог машин хийсэн боловч, хэн ч энэ төслийг санхүүжүүлэх сонирхолгүй байжээ.
1843 – Scheutz болон түүний хүү Эдвард нар гуравдугаар зэргийн дифференциал машиныг хэвлэгчтэй нь хамт үйлдвэрлэн гаргажээ.
1847 – Чарльз Бабаж 15 оронтой тоо, дөрөвдүгээр зэргийн дифференциал үйлдэл хийдэг анхны бүрэн хэмжээний дифференциал машин угсарсан бөгөөд, түүнийгээ Tabulating машин хэмээн нэрийджээ.
1858 – Анхны Tabulating машиныг Нью-Йорк, Албанид худалдан авчээ.
1871 – Чарльз Бабаж аналитик машины процессор болон хэвлэгчийн протитипыг хийв.
1878 – � оман Вереа үржвэрийн хүснэгттэй тооны машин зохион бүтээсэн нь бусад аргыг бодвол арай хурдан байжээ.
1948 – Марк-1 хэмээх анхны компьютерийг Манчестерийн их сургууль зохион бүтээлээ.
1949 – Жон вон Нейманы (John von Nermann) АНУ-ын Принцетон дахь хүрээлэнд бүтээсэн EDVAC (electronic discrete variable computer) нь соронзон туузтай ажилладаг анхны компьютер байлаа. Энэ нь нэмэлт дамжуулагчаар дамжуулан дахин программчилж болдог, өмнөх компьютерүүдээс эрс дэвшилттэй байсан хэдий ч, түүнийгээ хадгалагч туузнаас ачаалж чаддаггүй байв.
1950 – Японы эзэн хааны их сургуулийн доктор Ёширо Накаматагийн бүтээсэн уян дискийг борлуулах эрхийг IBM пүүс эзэмших болжээ.
1951 – UNIVAC-1 нь анхны арилжааны зориулалттай компьютер байсан бөгөөд, өргөн хэрэглээний тоон болон текстэн мэдээлэлтэй ажилладаг байлаа. Энэ компьютерийг Жей Преспер Экэрт (J, Presper Eckert), Жон Маукли (John Mauchly) нар зохиож, дараа нь тэдний корпорацийг � емингтон � энд (Remington Rand) шилжүүлэн авсан юм. Энэ компьютерийг нийтэд толилуулснаар компьютерийн эриний эхлэлийг тавьсан байна.
1953 – Энэ үед дэлхийн хэмжээнд нийт 100 компьютер байна гэсэн тооцоо гарчээ.
- Соронзон зүрхэвчтэй санах ойг боловсруулан гаргажээ.
1954 – IBM фирмийн Жон Бакус (John Backus)-ын баг FORTRAN (FORmula TRANslation) хэлний боловсруулалтыг эхлэн, 1957 он хүртэл үргэлжлүүллээ. FORTRAN нь эрдэм шинжилгээний зориулалттай программчлалын хэл юм.
1957 – IBM пүүс анхны цэгэн шивэлтийн хэвлэгчийг үйлдвэрлэн, зах зээлд гаргав.
1958 – LISP (интер претаторын хэл) хэл боловсрогдон, 1960 онд бүрэн дуусчээ.
1958.09.12 – Техас инструмент (Texac Instrument)-ийн Жек Сан Клайр Килби (Jack ST Clair Kilby) интеграл схемийн хавтан (Intgrated circuit) зохиов. Энэ үеэр � оберт Ноайс(Pobert Noyce) бие даан энэ нээлт дээр ажиллаж байв. Хожим түүний үүсгэн байгуулсан Intel пүүс микропроцессорын төгс нээлт хийсэн юм. Патент нь 1954 онд гарсан ч, 1964 онд баталгаажигдсан юм. Уг патентыг тухайн үед Японд хүлээн зөвшөөрөөгүй бөгөөд, 1989 онд болсон хууль зүйн маргааны эцэст тэд хүлээн зөвшөөрсөн юм. Уг патент нь аль хэдийнэ дэлхий нийтээр чөлөөтэй хэрэглэгддэг болчихоод байхад, зөвхөн Япончууд л 2001 он хүртэл төлбөр төлж байхаар болжээ.
1959 – COBOL (Common Business-Oriented Language) хэлийг Грейс Мюррэй Хоппер (Grace Murray Hopper) боловсруулж 1962 онд дуусгав.
1960 – ALGOL хэмээх анхны процедур хэл гарч ирлээ.
1961 – IBM корпорацийн ажилтан Кеннет Аверсон (Kennth Iverson) APPLE программчлалын хэлийг зохиожээ.
1963 -Digital Equipment пүүс PDP-8 хэмээх анхны миникомпьютер зохион бүтээв.
1964 – IBM пүүс PL/1 хэлийг толилуулав.
- IBM 360 серийн анхны миникомпьютерүүд өргөн хэрэглэгдэж эхлэв.
- DEC PDB-8 миникомпьютер гарчээ.
1965 – Америкийн Дартмоуф коллежийн Томас Е. Курц (Thomos E. Kurtz), Жон Кемени (John Kemeny) нар BASIC (Beginners ALL Purpose Symbolic Instrucsion Code) хэлийг боловсрууллаа. Энэ нь 1975 он хүртэл миникомпьютерт хэрэглэгдэж байсангүй. Харин хувийн хэрэгцээнд болон программчлал заах сургалтад хэрэглэгдэж байв.
- Доуглас Энглбартын бодож олсон мауз нь1983 оноос Apple computers, 1987 оноос IBM, Amstrad PC1512 гэх мэт миникомпьютерүүдэд хамт угсрагдаж гардаг болох хүртлээ өргөн хэрэглэгдэж чадаагүй байна.
- Control Data пүүс анхны суперкомпьютер болох CD 6600-ийг бүтээжээ.
1967 – PASCAL хэлний боловсруулалт эхэлж, 1971 онд бүрэн дууслаа. үүнийг Никлаус Вирт ALGOL хэл дээр үндэслэн бичжээ. 1984 онд Borland пүүс өндөр хурд, хямд өртөгтэй Turbo PASCAL компилятор гаргаснаар энэ хэлний хэрэгцээ эрс өслөө. Энэ нь өргөн хүрээтэй олон төрлийн үйлдэл хийдэг, олон функц агуулсан, сурахад энгийн хэл юм. Borland Pascal 7.0 хувилбар нь C++ хэлний адил объект хандалтат программчлалын боломжтой болсон.
1968 – � оберт Нойсэ хэдэн нөхдийн хамт Intel пүүсийг санаачлан байгуулав.
- MIT-ийн Сеймоур Папертийн ахалсан баг LOGO хэлийг боловсруулав.
1969.04.17 – Анх удаа REC, RFC 0001 баримт бичиг хэвлэгдлээ. RFC нь (Request For Comment) одоогийн Интернэтийн бүхий л үйл ажиллагааны үндэс болсон ARPANET сүлжээний эх кодын үндэс суурь, сүлжээний протокол боловсруулахад ашиглагддаг үндсэн баримт бичгүүдийн нэг юм. RFC нь Интернэтээр хэрхэн мэдээлэл дамжуулах, TCP/IP сүлжээний мэдээлэл дамжуулах протокол, электрон шуудангийн толгой код ямар байх гэх мэтийг тодорхойлж өгдөг.
1970 – Intel пүүс анхны RAM буюу шуурхай санах ойн чипийг гаргав. Энэ нь 1103 дугаартай ба 1к=1024 бит багтаамжтай байжээ. – UNIX үйлдлийн систем боловсруулж эхлэв.
- Программчлалын дөрөвдүгээр үеийн хэлнүүд гарлаа.
- Интернэт нь тухай үедээ цэргийн зориулалттай ARPANET нэртэй байсан ба 1970 оны сүүлээр нээлттэй болж олон их сургууль, аж ахуйн нэгжийг холбож өргөжлөө.
1971.11.15 – Intel фирмийн Марсиан Е. Хофын боловсруулсан 4004 микропроцессор гарчээ. Энэ нь 2300 транзистороос тогтсон дөрвөн битийн микропроцессор байлаа. Секундэд 60000 үйлдэл хийж, 108 КГц-ийн давтамжаар ажилладаг байв.
1972 – “C” программчлалын хэл боловсруулагдаж, объект хандалтат программчлал 80-аад оны сүүлээр гарч ирлээ. Системийн болон бусад төрлийн программчлалд өргөн ашиглагдаж, ассемблергүйгээр системийн программчлалыг өндөр хурдтай гүйцэтгэж болдгоороо тохиромжтой юм. ПК-ийн стандартад зориулсан хувилбаруудаас Microsoft, Borland фирмүүдийнх илүү өргөн тархжээ.
- Анхны эрдэм шинжилгээ, инженерийн зориулалттай гарт багтам тооны машиныг Hewlett Packard бүтээснээр логарифм шугам төгсгөл боллоо.
- ARPANET сүлжээний анхны улс хоорондын холболт хийгдлээ.
1972.04.01 – Intel пүүс 8008 процессор зохион бүтээснээ зарлав.
1973 – Pong гарч ирсэн нь анхны аркад видео тоглоом мэт байв. үүнийг Atari-ийг үүсгэн байгуулагч Нолан Бушнелл бүтээсэн бөгөөд, богино хугацаанд олны танил болж чаджээ.
- Францын Люмини-Марселийн их сургуулийн Alain Colmerauer Прологийг боловсруулж дууслаа.
1974 – CLIP-4 хэмээх зэрэгцээ архитектуртай анхны компьютер худалдаанд гарлаа.
1974.04.01 – Intel пүүс 8 битийн архитектуртай 8080 процессор зохион бүтээжээ.
1974.12 – Micro Instrument Telemtry System компани MITS Altair 8900 хэмээх анхны арилжааны зориулалттай компьютер үйлдвэрлэлээ. 1974 онд “Гайхамшигт электрон техник” нийтлэл хэвлэгдсэнээр анхны өдрөө 200-гаад ширхэг компьютер захиалагдаж байв. Энэ компьютер нь 256 Кбайт санах ойтой, тооцоолох хүчин чадал нь хязгаарлагдмал байсан ч, худалдан авагчид энэ дутагдлыг үл ойшоож байв.
1975 – Пол Аллен, Билл Гейтс нар анхны MITS alair-д зориулсан BASIC хэлийг зохиожээ.
- IBM фирм анхны лазер принтерээ гаргалаа. Харин өнгөт лазер принтерийг 1988 онд гаргажээ.
- UNIX үйлдлийн систем зах зээлд гарлаа.
- Пол Аллен, Билл Гейтс нар Microsoft-ыг үүсгэн байгууллаа. Одоо энэ корпораци хамгийн амжилттай ажиллаж буй компаниудын тоонд зүй ёсоор ордог бөгөөд, Traf-O-Data хэмээх машин тоолдог төхөөрөмж авто замынханд зориулан хийдэг. Гурван жилийн дотор 500000 долларын ашиг олж, 15 ажилтан авчээ. 1992 он гэхэд ашиг нь 2,5 тэрбум (үүний 50% нь гадаад зах зээлээс) хүртлээ өсөж 10000 ажилтантай болсон нь 20 нас ч хүрээгүй компанийн хувьд зүүд мөрөөдлийн мэт амжилт байлаа. Тэдний хийсэн томоохон алхам нь 1981 онд IBM компьютерийн үйлдлийн систем нийлүүлэх санал байлаа. Санхүүгийн хувьд IBM-ээс дутуугүй энэ компани компьютерийн үйлдвэрлэлийн салбарт нөлөө бүхий нэгэн болж чаджээ.
- IBM 5100 компьютерээ толилуулав.
1976 – Apple Computer корпораци байгуулагдан, зах зээлд Стефан Жобс, Стефан Возинак нарын зохиосон Apple I компьютерийг нийлүүлжээ.
- 8085 процессор зохиогджээ.
- Худалдаанд зориулагдсан хамгийн анхны Gray I нэртэй Supercomputer үүсчээ. Секундэд 150 сая орчим хөвөгч цэгийн үйлдэл хийдэг бөгөөд, энэ нь Supercomputer-ийн үндсэн суурь нь болсон юм. 1992 онд секундэд 250 сая хөвөгч цэгийн үйлдэл хийдэг Gray II нэртэй хамгийн хурдан компьютер зохион бүтээгджээ.
1977 – Apple II компьютерийг танилцуулав.
- 6502 хэмээх 80 битийн процессор гарч ирсэн нь Apple фирмийн компьютерүүдэд тавигдах боллоо. Түүнчлэн Acorn, BBC Micro, Commodore 64, Commodore PET компьютерүүдэд ашиглагдаж эхэлжээ.
1978 – Commodore Pet компьютерийг танилцуулав.
1978.6.8 – Intel фирм Билл Полманы удирдлагаар хамгийн анхны 16 битийн 8086 процессорыг зохиожээ. Уг процессор нь IBM компьютер үүсэх үндэс нь болсон бөгөөд, 4.77, 8 болон 10 МГц давтамжтай байв.
1979 – Arcade Video Game корпораци “Space Invaders” хэмээх тоглоом гаргасан бөгөөд, энэ үеэс эхлэн видео тоглоом өнөөг хүртэл хөгжсөөр ирсэн.
- 8 битийн өгөгдлийн баазтай 8088 процессор худалдагдаж эхэллээ.
- Анхны компакт диск гарав.
- Motorola 68000 серийн микропроцессорыг шинээр гаргажээ. Уг процессорыг Apple фирмийн Macintosh-д болон Atari фирмийн ST-д хэрэглэж байв. Дараа нь гарсан 68020 микропроцессорыг Macintosh II-д хэрэглэсэн байна. IBM фирм Apple болон Commodore Pet шиг шинэ персональ компьютер гаргаснаар компьютерийн зах зээлд ноёрхож эхэлжээ.
1980 – 1980 оны аравдугаар сараас MS-DOS/PC-DOS үйлдлийн систем хөгжиж эхэлсэн байна. Microsoft фирм персональ компьютерт зориулсан үйлдлийн систем бичих эрхийг авлаа. Хэдийгээр энэ эрхийг Digital Research корпораци авахаар өрсөлдөж байсан боловч, CP/M-86 үйлдлийн системээ арай хожуу өгснөөс гэрээ хийх боломжоо алджээ.
- 1980-аад оны эхээр ZX80 процессор үүсчээ.
1981 – Xerox Start System-ийн гаргасан хамгийн анхны WIMP (Windows, Icons, Menus and Pointing Devices) системээс эхлэн орчин үеийн Windows үйлдлийн систем болон WIMP-ийн үндэс нь тавигдсан. Apple фирм Apple Macintosh-ийг, Microsoft компани Windows-ийг уг WIMP системээс хуулбарлан зохион бүтээжээ.
- ZX81 процессор гарсан бөгөөд, энэ нь ZX80 процессортой адил үнэтэй байжээ.
- 80186/80188 процессор үйлдвэрлэгджээ.
- MS-DOS 1.0
- PC-DOS 1.0 үйлдлийн систем гарлаа.
1981.8.12 – IBM фирм 2880 долларын үнэтэй стандарт загварын персональ компьютер зохион бүтээжээ. Энэ компьютер нь 64 Кбайт RAM-тай, MDA (Mono Display Adapter) моно дисплейтэй, хоёр ширхэг нэг талт 160 кбитийн (floppy) уян диск хөтлөгчтэй байсан байна.
1982 – TCP/IP протокол үүссэн бөгөөд, энэ протоколыг Интернэтэд холбогдоход ашигладаг байна.
- Sony болон Phillips фирмүүд хамтран аудио CD дээр ном бичив. Компакт диск анх Японд гарсан бөгөөд, жилийн дараа Европ, Америкт хөгжиж эхэлжээ.
1982.2.1 – 20 МГц давтамжтай, хамгаалалтын горим болох шинэ горимтой 80286 процессор үүсчээ. Уг хамгаалалтын горим нь 16 Мбайт санах ойд хандах чадвартай аж.
- Compaq Portable фирм Compaq компьютерээ гаргав.
1982.3 – MS-DOS 1.25
- PC-DOS 1.1 хувилбарууд гарчээ.
1982.4 – IBM фирмийн 320 Кбит багтаамжтай хоёр талт уян диск гарав.
1982.12 – IBM фирм Intel-ийн 12%-ийг худалдаж авчээ.
1983 – 8087 math co-processor суулгагдсан 8086 микропроцессортой IBM XT компьютер гарлаа. Уг компьютер нь 10 Мбит хард диск, 128 Кбит RAM санах ой, уян дискийн төхөөрөмж, моно дэлгэц болон принтертэй бөгөөд 5000 долларын үнэтэй байв.
1983.3 – MS-DOS 2.0
- PC-DOS 2.0 хувилбарууд гарлаа.
1983.5 – DOS үйлдлийн системийн MS-DOS 2.01 хувилбар худалдаанд гарав.
1983.10 – MS-DOS 2.11
- MS-DOS 2.25
- PC-DOS 2.1 зэрэг хувилбарууд гарчээ.
1984 – 1000 орчим host-оос бүрдсэн DNS (Domain Name Service) үйлчилгээг Интернэтэд танилцуулжээ.
- Borland-ийн Turbo Pascal хэл үүссэв.
- Hewlett-Packard хамгийн энгийн Laserjet принтерийг зохион бүтээжээ.
- IBM AT компьютер үүсчээ.
- Compaq IDE (Intelligent Drive Electronic) интерфейсийг хөгжүүлж эхлэв. Энэ стандарт нь IBM персональ компьютерт тусгайлан зориулагдсан бөгөөд, өгөгдөл дамжуулах хурд нь маш өндөр байлаа.
1984.8 – 1.2 Мбит багтаамжтай 5 инчийн уян дисктэй IBM AT компьютерт зориулагдсан MS-DOS 3.0, PC-DOS 3.0 үйлдлийн систем гарав.
1984.9 – Apple фирм Macintosh-ийн 512 К байт хувилбарыг гаргажээ.
1984.10 – Sinchlair ZX Spectrum+ үүсэв.
1985 – Philips фирм Sony-той хамтран CD-ROM зохион бүтээв.
- Lotus, Intel болон Microsoft фирмүүд хамтран LIMENS стандартыг гаргажээ. Анхны хувилбар нь 3.2 байсан байна.
1985.3 – Сүлжээний шаардлагад нийцэхүйц шинэ функцтэй DOS-ийн MS-DOS 3.1, PC-DOS 3.1 хувилбарууд худалдаанд гарав.
1985.10.17 – 4 Гбайт санах ойтой, 64 TERABYTE виртуаль санах ойтой, 33 МГц давтамжтай, 80386DX процессор үйлдвэрлэгдэн гарчээ.
1985.12 – MS-DOS 3.2
- PC-DOS 3.2 хувилбарууд гарав. Эдгээр нь 1987 онд IBMPS/2-той хамт 3.3 хувилбар гарах хүртэл хэрэглэгдэж байжээ.
1986.1 – Apple фирм Macintosh-ийн өргөтгөсөн хувилбарыг гаргав. Энэ хувилбар нь Macintosh Plus нэртэй бөгөөд, SCSI адаптертай, 4 Мбайт RAM-тай байжээ.
1986.2 – ZX-ийг бага зэрэг сайжруулсан 128 Кбайт RAM-тай Sinclair ZX Spectrum 128 хувилбар гарлаа.
1986.3 – Apple фирм Macintosh-ийн Macintosh 512 КЕ нэртэй өргөтгөсөн хувилбарыг худалдаанд гаргав.
1986.9 – Amstrad фирм хямд үнэтэй, персональ компьютер болох Amstrad � С 1512-ийг зохион бүтээжээ. Энэ нь CGA график адаптертай, 512 Кбайт RAM (640 Кбайт хүртэл өргөтгөх боломжтой)-тай, 8086 процессортой (NECV30 хүртэл өргөтгөх боломжтой) бөгөөд, 20 Мбайт хард дисктэй байсан. Ямарч хүн уншаад, угсрахад хялбархан GEM дисплей болон маузтай хийсэн нь уг компьютерийг хэрэглэхэд энгийн, хялбар болгож чаджээ.
1987 – Microsoft Windows II хувилбар гарчээ. Энэ нь өмнөх хувилбараасаа илүү энгийн, боловсронгуй болсон байна.
- LIM-EMS v 4.0 хувилбар зохиогджээ.
1987.3.2 – Macintosh II болон Macintosh SE зохион бүтээгджээ. SE хувилбар нь 68000 дээр үндэслэгдсэн бөгөөд, 4 Мбайт RAM болон SCSI адаптертай бөгөөд, энэ нь 1986 оны нэгдүгээр сард гарсан Macintosh Plus-тай адилхан байсан. Macintosh II нь шинэ Motorola 68020 дээр үндэслэгдсэн, 16 МГц хурдтай, SCSI адаптертай, өнгөт видео адаптертай байсан.
1987.4.2 – IBM фирм PS/2 системийг худалдаанд гаргасан. Түүний эхний дөрвөн хувилбар нь яг энэ өдөр үүссэн байна. PS/2 Model 30 нь 8086 процессор болон хуучин ХТ бааз дээр, Model 50 ба 60 нь 80286 дээр, Model 80 нь 80386 процессор дээр үндэслэгдсэн байна. Эдгээр нь 1.44 Мбайт багтаамжтай, 3 инчийн уян дисктэй, МСА гэсэн иж бүрдэл шинэ баазтай байсан ч, хуучин 16 битийн АТ баазаас илүүгүй байсан. Түүнчлэн хард дискийн хуваалт (partition), хоёр болон түүнээс дээш логик драйверт хуваах боломжтой болжээ.
1987.4 – MS-DOS 3.3
- PC-DOS 3.3 хувилбарууд гарав.
- IBM болон MS фирм хамтран OS/2 системийг зохион бүтээжээ.
1987.8 – AD-LIB soundcard үүсчээ. Энэ нь TAITO компани хэд хэдэн тоглоомонд ашиглах хүртэл өргөн дэлгэрч чадаагүй байна. 1989 онд Sound Blaster карт гарах хүртэл Канадын Adlib компани монопол байжээ.
1987.10.11 – Compaq DOS V3.31 хувилбарыг үйлдвэрлэн гаргажээ.
1988 – XMS стандарт гарчээ.
- IBM фирм анх удаа (WORM-Write One Read Many) дискийг худалдаанд гаргажээ.
1988.6.16 – 80386 SX процессор гарав. Энэ нь 80386 процессортой адилхан боловч FPU-гүйгээр хийгдсэн аж.
1988.7.8 – PC-DOS 4.0
- MS-DOS 4.0 хувилбар гарав. Энэ хувилбар нь техник хангамжийн багтаамжийг ихэсгэсэн бөгөөд, 32 Мбайтаас 2 Гбайт хүртэл ихэсгэх боломжтой болгосон. Мөн түүнчлэн EMS санах ойтой байжээ.
1988.9 – IBM фирмийн PS/2-ийн 30286 хувилбар үйлдвэрлэгджээ. Энэ нь 80286 болон хуучин АТ бааз дээр үндэслэгдсэн байна.
1988.10 – САМ – (Common Access Method) хороо үүсэж, 1989 оны гуравдугаар сард АТА стандартыг зохион бүтээжээ.
- Macintosh IIx хувилбар худалдаанд гарав. Энэ нь Motorola 68030 гэсэн шинэ процессор дээр үндэслэгдсэн байв.
1988.11 – MS-DOS 4.01
- PC-DOS 4.01 хувилбарыг үйлдвэрлэн гаргажээ.
1989 – Philips болон Sony фирм хамтран CD-I-ийг худалдаанд гаргав.
1989.1 – Macintosh SE/30 хувилбар худалдаалагдаж эхлэв. Энэ нь монохром дисплейтэй боловч 68030 гэсэн шинэ процессортой байсан.
1989.3 – САМ-аас Е-IDE драйверт зориулагдсан командын бүлгийг боловсруулав. Хуучин контролерүүд нь 2.1 Гбайт хүртэлх хязгаартай байсан бөгөөд, сүүлийн контроллерүүд нь илүү их багтаамжтай болжээ.
- Macintosh II cx хувилбар гарчээ. үндсэн багтаамж нь IIx хувилбартай адил байсан.
1989.4.10 – 80486 процессорыг үйлдвэрлэв. Энэ нь 1.2 сая транзистороос тогтсон 25 МГц хурдтай байлаа.
1989.9 – 68030-ийн хурдан хувилбар дээр үндэслэгдсэн Macintosh IIci хувилбар худалдаанд гарав. Түүнчлэн 68000-аар хийсэн зөөврийн компьютер ч гарчээ. Энэ нь монохром дэлгэцтэй байлаа.
1989.10 – Creative Labs фирм Sound Blaster Card-аа зохиожээ. Энэ нь 1987 оны AD-LIB sound card-ийг өргөтгөсөн байв.
1990 – VEGA SCGA стандартыг үүсгэж гаргасан SVGA картыг үйлдвэрлэжээ.
1990.3 – 68030-ийн 40 Гц-ийн хувилбар дээр үндэслэгдсэн Macintosh II fx хувилбар зохиогджээ. Энэ нь SCSI адаптертай, 3Мб/с дамжуулах хурдтай байжээ.
1990.5.22 – Microsoft компани Windows 3.0 хувилбарыг худалдаанд гаргав. Энэ нь 80386 процессорт MS-DOS-той зохицож ажилладаг.
1990.10 – 68030 процессортой, 20 МГц хурдтай, 256 өнгийн өнгөт видео адаптертай Macintosh classic компьютер гарчээ.
1990.11 – 68020 процессортой, 16 МГц SCCIадаптер болон 256 өнгийн өнгөт видео адаптертай MAC LC үйлдвэрлэгджээ. Microsoft ба Creative Labs фирмийн хамтарсан MPC (Multimedia PC) Level 1 гарсан.

мэдээний сурвалж:  Хүрээ.тк